राक्सिराङ–पुुस २३ गते । चेपाङ समुदायको बाहुल्य रहेको राक्सिराङ गाउँपालिका वडा नं ६ सिलिङ्गेमा सञ्चालित छात्रबासका विद्यार्थीहरुका लागि ६० सेट सिरक र डसनासहितका कपडाहरु प्रदान गरिएको छ ।
लिसा हिमालया इभीको आर्थिक सहयोग तथा दिगो विकासका लागि एकता नेपालले सञ्चालन गरिरहेको शिक्षा, स्वास्थ्य तथा जीविकोपार्जन सहायता कार्यक्रम अन्तर्गत विद्यार्थीहरुलाई सहयोग गरिएको हो ।
दिगो विकासका लागि एकता नेपाल (युएसडी) का कार्यक्रम प्रवन्धक अनिल पौडेलले छात्रबासमा बसेर अध्ययन गरिरहेका विद्यार्थीहरुको आवास व्यवस्थाका लागि सघाउ पु¥याइएको बताउनुभयो ।
राष्ट्रिय माध्यमिक विद्यालय सिलिङ्गेमा माध्यमिक तहको अध्ययनका लागि विद्यालय नजिकै निर्माण भएको छात्रबासमा विद्यार्थीहरु बस्ने गर्दछन् ।
सिरक डसना बितरणसहित समग्र संस्थाको परियोजनाका सम्बन्धमा बोल्दै राक्सिराङ गाउँपालिका उपाध्यक्ष बनस्तम थिङले संस्थाले गरिरहेको कामले पछाडि पारिएको भूगोललाई उज्यालो दिने काम भएको बताउनु भएको छ ।
उहाँले स्थानीय सरकार र गैरसरकारी संस्थाको समन्वयमा भइरहेको कामले शिक्षाको विकासमा योगदान पुग्नेमा जोड दिनुभयो ।
