मनहरी–चैत २५ गते । मनहरी गाउँपालिका ७ तल्लो बजारस्थित मुक्तेश्वर महादेव मन्दिर परिसरमा सुतेकै अबस्थामा एक अबधैसे मृत फेला परेका छन् ।
फेला परेका अधबैसे पुरुष ५१ बर्षीय डिलबहादुर थिङ रहेको आफन्तजनले पहिचान गरेका छन् । राक्सिराङ गाउँपालिका वडा नं २ निङराङ घर भएका थिङ मनहरी बजार क्षेत्रमा शनिबारसम्म खानेकुराहरु मागेर हिँडिरहेका थिए ।
केही समययता उनको दैनिकी नै मनहरी बजार क्षेत्रमै बितिरहेको प्रत्यक्षदर्शीहरु बताउँछन् । मुक्तेश्वर महादेव मन्दिर परिसरमा निर्मित प्रतीक्षालायमा सुतेका उनी आइतबार बिहान मृत अबस्थामा भेटिएको हो ।
आफन्तसँगको समन्वयमा दिलबहादुरको शवलाई पोष्टमार्टमका लागि हेटौँडा पठाइएको इलाका प्रहरी कार्यालय मनहरीका प्रहरी निरीक्षक दीपक थापाले बताउनुभयो ।
