Tuesday, May 21, 2024

मकवानपुर उद्योग बाणिज्य संघ पश्चिम क्षेत्र समितिमा गणेशमान मानन्धर निर्विरोध

ताजा / भरखरै प्राप्त

मनहरी–बैशाख ३० गते । मकवानपुर उद्योग बाणिज्य संघ पश्चिम क्षेत्र समितिको सभापतिमा गणेशमान मानन्धर निर्विरोध निर्वाचित हुनु भएको छ ।

उहाँसहित बरिष्ठ उपसभापतिमा रामचन्द्र उप्रेती, उपसभापतिमा जलाल दिन मिया निर्विरोध चयन हुनु भएको छ ।

शनिबार सम्पन्न १२ औँ साधारण सभा तथा पाँचौ अधिबेसनले महिला सदस्यमा अनिता कर्माचार्यलाई चयन गरेको छ भने अन्य १८ जना सदस्य चयन भएको छ ।

समयमै जन्म दर्ता गरी कानुनी पहिचान सुनिश्चित गरौ ।

अन्य सदस्यहरुमा स्वतन्त्र उप्रेती, सुदर्शन उप्रेती, बेदमणि सेढाई,, पदमबहादुर तितुङ, कृष्णराम श्रेष्ठ, चन्द्रमणि पाठक, शिवशंकर स्याङ्तान, बिष्णुराम कालाखेती, रेनु पुडासैनी कोइराला, दिपकप्रसाद रिमाल, चुँडाबहादुर गिरी, नारायण प्रसाद बर्ताैला, शंकरप्रसाद कालाखेती, गोविन्द बर्ताैला, योगेश रिजाल, पशुपति बर्ताैला, राजु राउत र सागर स्याङ्तान निर्विरोध चयन हुनु भएको छ ।

नव गठित समितिको पहिलो बैठकले महासचिव, कोषाध्यक्ष, सहकोषाध्यक्ष र सचिवहरुको चयन गर्नेछ ।

सभापतिमा चुनिएपछि मन्तब्य ब्यक्त गर्दै मानन्धरले आफ्नो तीन बर्षे कार्यकालको कार्ययोजना बनाएर अघि बढ्ने बताउनुभयो । उहाँले यही कार्यकालमा मनहरी महोत्सवको पाँचौ संस्करण सञ्चालन गर्नुपर्ने, बजार क्षेत्रको सफाई गर्नुपर्ने, व्यवसायिक आबद्धता बढाएर अघि बढ्नुपर्ने, पश्चिम क्षेत्र समितिको कार्य सञ्चालनका लागि निर्माण भएको कार्यविधिलाई शंसोधन गर्नुपर्ने लगायतका कामहरु सम्पन्न गर्नुपर्नेमा जोड दिनु भएको छ ।

साधारण सभामा बोल्दै प्रमुख अतिथि मनहरी गाउँपालिका अध्यक्ष रन्जन कालाखेतीले स्थानीय सरकारले व्यवसायीको हकहितका लागि काम गर्ने प्रतिबद्धता जनाउनुभयो ।

त्यसैगरी नेपाल उद्योग बाणिज्य महासंघका केन्द्रीय सदस्य कृष्ण कटुवाल, मकवानपुर उद्योग बाणिज्य संघ हेटौँडाका अध्यक्ष कृष्णकुमार गुप्ता अग्रवाल, बरिष्ठ उपाध्यक्ष अनिल अग्रवाल, वडाध्यक्षका तर्फबाट ४ नं वडाध्यक्ष प्रकाश थापा, राजनीतिक दलहरुका तर्फबाट नेपाली काँग्रेसका सभापति प्रकाश बर्ताैला लगायतले शुभकामना मन्तब्य ब्यक्त गर्नु भएको थियो ।

सो अबसरमा समाजसेवी एबम् नेपाली सिनेमाका नायक बीरेन्द्र डिसीले आफूले यसअघि घोषणा गरेको एकलाख रुपियाँ समेत हस्तान्तरण गर्नु भएको थियो । साधारण सभामा सभापति नारायण सुवेदी, महासचिव पदमबहादुर तितुङ र कोषाध्यक्ष जलाल दिन मियाले प्रस्तुत गर्नु भएको प्रगति तथा आर्थिक प्रतिवेदनहरु पारित गरिएको थियो ।

लोकप्रिय

Related Articles