Wednesday, May 22, 2024

राष्ट्रिय आधारभूत विद्यालयको अध्यक्षमा पुनः ब्लोन नियुक्त

ताजा / भरखरै प्राप्त

मनहरी–माघ २७ गते । श्री राष्ट्रिय आधारभूत विद्यालय मनहरी ७ रमन्टारको १९ औँ अभिभावक भेला भएको छ । भेलाले विद्यालय व्यवस्थापन समिति पुनर्गठन गरेको छ ।

लेखमान ब्लोनको अध्यक्षतामा विद्यालय व्यवस्थापन समिति पुनर्गठन गरिएको हो । समितिको सदस्यहरुमा चन्द्र बहादुर थिङ, भगवती गिरी, सुस्मिता प्रजा, पवित्रा सुनार र टिका कुमारी अर्याल चयन भएका हुन् ।

मनहरी गाउँपालिका वडा नम्बर ७ का वडा अध्यक्ष ठाकुरराम तितुङको प्रमुख आतिथ्यतामा भएको भेलामा मनहरी गाउँपालिका शिक्षा शाखाका प्रमुख हरिचन्द्र सापकोटा र विद्यालय निरिक्षक पुर्ण भद्र भुसालको विशेष आतिथ्यता रहेको थियो ।

भेलामा स्वर्गिय भिम बहादुर ब्लोनको स्मृतिमा रु एक लाखको अक्षय कोष समेत निर्माण गरिएको छ । ब्लोनका छोरी इन्द्र कुमारी ब्लोनले अक्षय कोष निर्माण गर्नुभएको हो ।

अक्षय कोषबाट वार्षिकरुपमा प्राप्त हुने ब्याजले कक्षा ६, ७ र ८ मा उत्कृष्ट अंक ल्याउने विद्यार्थीलाई पुरस्कार वितरण गरिने विद्यालयका सहायक प्रधानाध्यापक बलराम बानियाले बताउनुभयो ।

लोकप्रिय

Related Articles