मनहरी–माघ २१ गते । राष्ट्रिय मावि सुनाचुरीमा यहि माघ २६ गते बिहिबार आँखा शिविर हुने भएको छ ।
रोटरी क्लब अफ हेटौडा, रोट्रयाक्ट क्लब अफ हेटौडा र हेटौडा सामुदायिक आँखा अस्पतालको आयोजनामा आँखा शिविर हुन लागेको रोटरी क्लब अफ हेटौडाका सदस्य एबम् आँखा शिविर संञ्चालन समितिका सदस्य विदुर रिजालले बताउनुभयो ।
शिविरमा छनौट भएका बिरामीहरुलाई मोतिबिन्दुका लागि सोहि दिन हस्पिटल लगिने उहाँले बताउनुभयो ।
बिरामीहरुका लागि जाने, बस्ने खाने र अपरेशन एवम् औषधी समेत निशुल्क वितरण गरिने आयोजकले जनाएको छ ।
साथै शिविरमा आएका सामान्य बिरामीहरुलाई आवश्यक्ता अनुसार उचित परामर्श, उपचार र औषधि समेत वितरण गरिने जनाएको छ । आँखा शिविर बिहान १० बजेदेखि दिउसो २ बजे सम्म सञ्चालन हुने जनाएको छ ।
