मनहरी–माघ २ गते । आइतबार बिहान पोखरामा भएको विमान दुर्घटनमा परी मृत्यु भएकाहरुको सम्झनामा शोक सभा गरिएको छ ।
नेकपा माओवादी केन्द्र मनहरी गाउँपालिका ७ नम्बर वडा कमिटीले आयोजना गरेको हो । शोक सभामा दुर्घटनामा मृत भएकाहरुको आत्माको चीर शान्तिको कामना गर्दै दीप प्रज्वलन गरिएको हो ।
शोक सभामा बागतमती प्रदेश सभाका निवर्तमान सांसद ओम बहादुर ग्लानले यस दुखद घटनाले देशलाई ठुलो क्षति पुर्याएको बताउनुभयो ।
नेकपा माओवादी केन्द्र ७ नम्बर वडा कमिटीका अध्यक्ष गोबिन्द गलानको सभाध्यक्षतामा भएको शोक सभामा कैलाश गाउँपालिकाका निर्वतमा अध्यक्ष टंक मोक्तान, राक्सिराङ गाउँपालिकाका उपाध्यक्ष बनस्तम थिङ, मनहरी गाउँपालिकाका उपाध्यक्ष सिता पुलामी, मनहरी गाउँपालिका वडा नम्बर ७ का वडा अध्यक्ष ठाकुरराम तितुङ, नेकपा माओवादी केन्द्र बागमती प्रदेश सदस्य विर बहादुृर ग्लान (ज्वाला), नेकपा एमाले मनहरी गाउँ कमिटीका अध्यक्ष नविन सुवेदी, मकवानपुर उद्योग वाणिज्य संघ पश्चिम क्षेत्र समितिका अध्यक्ष नारायण सेवेदी लगायतकाको उपस्थिति रहेको थियो ।
नेपाल सरकारले शोक सभाका लागि सोमबार देशभर शोक विदा समेत दिइएको थियो । दुर्घटनामा परेका ६९ जनाको शव भेटिएको छ । ३ जना अझै बेपत्ता रहेका छन् । २६ जनाको मात्र सनाखतन भएको छ । काठमाडौंबाट पोखराको लागि उडेको उक्त जहाज आइतबार बिहान करिब ११ बजे पोखरास्थित सेती खोचमा दुर्घटना भएको थियो ।
