मनहरी–पुस १६ गते । २८५९ औ ह्योई ल्हो (बिरालो वर्ग) सोनामा ल्होछारको अवसरमा मनहरी ७ स्थित सांग छ्योइफेल गुम्बा परिसरमा रहेको बुद्ध शान्ति हरित पार्कमा सांस्कृतिक कार्यक्रम तथा एक दिवसीय मेला आयोजना हुने भएको छ ।
गुम्बाको व्यवस्थापन समितिको बैठकले साँकृतिक कार्यक्रम तथा एक दिवसीय मेला सञ्चालन समिति समेत निर्माण गरेको छ ।
मेला सञ्चालनका लागि सुरेश मुक्तानको संयोजकत्वमा २५ सदस्यीय मेला सञ्चालन समिति निर्माण गरेको हो । शनिबार सांग छ्योइफेल गुम्बा व्यवस्थापन समितिका अध्यक्ष गौतम लामाको अध्यक्षतामा बसेको हो ।
ल्होछार मेला आयोजना समितले यहि माघ ८ गते सांस्कृतिक तथा एक दिवसीय मेला आयोजना गर्ने निर्णय गरेको हो ।
साथै माघ ७ गते गुम्बा परिसरमा पुजापाठ गर्ने समेत निर्णय गरेको छ । मेलामा खाना–खाजा स्टल, विभिन्न व्यपारिक स्टल, बालमैत्री खेलकुद स्टल समेत रहने मेला सञ्चालन समितिका सदस्य गोविन्द गलानले बताउनुभयो ।
कुनै पनि व्यापारिक केन्द्र तथा व्यक्तिले निशुल्क स्टल राख्न पाउने पनि उहाँले बताउनुभयो । ल्होछार, पुजापाठ तथा मेला सौहार्दपुर्वकरुपमा सञ्चालन गर्न समितिले प्रमुख भुमिका खेल्ने निर्णय गरेको छ ।
