रमौलीमा फेरि आउन थाल्यो हात्ती, दुई घर भत्कायो

मनहरी–साउन १७ गते । मनहरी गाउँपालिका ७ रमौलीमा जंगली हात्तीले दुईवटा घर भत्काएको छ ।

बिहानीपख आएको हात्तीले स्थानीय जीतबहादुर बोट (हाउडे) र बिष्णुबहादुर बोटको घर भत्काइदिएको हो ।हात्तीले उनीहरुको घरमा रहेका खानेकुरा, मकै, धान लगायतमा क्षति पु¥याएको स्थानीयबासिन्दाले बताएका छन् । घर भत्काइदिएपछि उनीहरु आफन्तकोमा शरणमा पुगेका छन् ।

जाडोयाम सुरु हुनासाथ हात्ती आउने क्रम बढ्ने भएपनि यस बर्ष बर्खायाममै हात्ती आएपछि स्थानीयबासी चिन्तित छन् । हात्तीले मकैबाली समेत नष्ट गरेको छ ।