मनहरी–भदौ २९ गते । ५९ औ बाल दिवसको अबसरमा मनहरी गाउँपालिका ८ मा वडास्तरीय हाजिरी प्रतियोगिता भएको छ ।
८ नं वडा कार्यालय, सिविन नेपाल र महेन्द्र किरण माविबीच सहकार्य भई हाजिरी जबाफ प्रतियोगिता आयोजना भएको हो ।
वडास्तरीय बाल सन्जालका अध्यक्ष अबिन पौडेलको अध्यक्षतामा भएको कार्यक्रममा ३ नम्बर समूहका कुजिकिएल प्रजा, मनिष लोप्चन र आदर्श अधिकारी प्रथम हुनु भएको थियो ।
त्यसैगरी समूह नम्बर ५ को स्थापना अर्याल, रोमन लोप्चन र जिसन न्यौपानेको समूह द्वित्तीय भएको थियो । समूह नम्बर १ की प्रमिला थिङ, समीर मोक्तान र सुलक्षणा अर्यालको समूहले तृत्तीय स्थान हासिल गर्न सफल हुनु भयो ।
वडाभित्रका सबै विद्यालयबाट आएका सहभागीहरुलाई विभिन्न समूहहरुमा बिभाजन गरी हाजिरी जबाफ प्रतियोगितामा सहभागी गराइएको थियो ।
त्यसो हुँदा विद्यालयले जीत हासिल गर्नेभन्दा स्वयम् विद्यार्थीहरुले नै जीतको महसुस हुने सिविन नेपालका सामाजिक परिचालक राजेन्द्रकुमार मुक्तानले बताउनुभयो ।
बिजयी टिमलाई ८ नं वडाध्यक्ष नारायण उप्रेतीको प्रमुख आतिथ्यता तथा वडासदस्यहरु रामप्रसाद सुवेदी, लक्ष्मी बिक, कृष्ण कुमारी रिमाल, पूर्व बाल सञ्जाल अध्यक्ष रेजिना ढकाल, महेन्द्रकिरण माध्यमिक विद्यालयका सहायक प्रधानाध्यापक नरहरि सुवेदी लगायतको उपस्थितिमा पुरस्कार बितरण गरिएको थियो । कार्यक्रमको सञ्चालन सिविनका सामाजिक परिचालक राजेन्द्रकुमार मुक्तानले गर्नु भएको थियो ।
