Tuesday, April 16, 2024

कता हराए प्याङ्चेका कुमार ?

ताजा / भरखरै प्राप्त

मनहरी–भदौ ६ गते । राक्सिराङ गाउँपालिका ५ प्याङ्चे निवासी कुमार प्रजा तीन दिनदेखि बेपत्ता हुनु भएको छ । उहाँ पास्टर समेत हुनुहुन्छ ।

घरबाट भदौ ३ गते बिहान ११ बजे निस्कनु भएका कुमार बुधवार रातिसम्म पनि फेला पर्नु भएको छैन ।

आफ्ना श्रीमान बेपत्ता भएपछि श्रीमती आइतीमायाले जिल्ला प्रहरी कार्यालयमा श्रीमान खोजी गरिदिनका लागि जाहेरी दर्ता गर्नु भएको छ ।

नेपाल चेपाङ संघ राक्सिराङ गाउँ कार्यकारिणी समितिका अध्यक्ष सोमलाल प्रजाले प्रकाशन गर्नु भएको विज्ञप्ती ।

आफ्ना श्रीमानको हुलिया विवरण संलग्न राखी ८६५ नं मा दर्ता भएको जाहेरीमा छिमेककै निर्मल भनिने सानुबाबु रुम्बालाई शंकाको घेरामा राखिएको उल्लेख गरिएको छ ।

के भएको थियो घटना ?

भदौ ३ गते इलाका प्रहरी कार्यालय मनहरीबाट २ सय मिटरको दुरीमा रहेको प्रभू बैँक अगाडिको चोकमा कुमार र छिमेकी सानुबाबुबीच झगडा भएको बुझिन्छ ।

दुबैजनाबीच आर्थिक लेनदेनको बिषयमा विवाद भएको नेपाल चेपाङ संघ राक्सिराङ गाउँ कार्यकारिणी समितिले जनाएको छ । समितिका अध्यक्ष सोमलाल प्रजाले जारी गर्नु भएको विज्ञप्तीमा झगडाका क्रममा सानुबाबुले कुमारलाई ३ थप्पड हिर्काएका थिए ।
घटना भएको भोलिपल्ट बिहान १० बजेतिर कुमारले श्रीमीतलाई टेलिफोन गरी ‘मलाई अपहरणकारीले अपहरण गरी लगेको छ’ भनेर फोन राखेको र त्यसयता फोन सम्पर्क नभएको चेपाङ संघको दाबी छ ।

संघले घटनामा मुछिएका सानुबाबुलाई पक्राउ गरी कारबाहीको दायरामा ल्याउन प्रहरीको ध्यानाकर्षण गराएको छ ।

घटनापछि कुमारको ब्यापक खोजी गरिएपनि हालसम्म पत्ता नलागेको नेपाल चेपाङ संघ बागमती प्रदेश समितिका अध्यक्ष खुसीलाल प्रजाले बताउनुभयो ।

‘प्रहरीले कुमारलाई खोजेर ज्यानको सुरक्षाको प्रत्याभूति गर्नुपर्छ’, अध्यक्ष खुसीलालले भन्नुभयो–‘अन्यथा हामी सिंगो समुदाय नै आन्दोलित हुनुपर्ने स्थिति आएको छ ।’

लोकप्रिय

Related Articles