मनहरी–पुष ६ गते । मनहरी गाउँपालिका वडा ८ मा अवस्थित महेन्द्र किरण माध्यमिक विद्यालयका विद्यार्थीहरुलाई न्यानो कपडा वितरण गरिएको छ ।
बुधबार मनहरी गाउँपालिका वडा नम्बर ८ को कार्यलयमा वडाका वडा अध्यक्ष नारायण उप्रेतीको उपस्थितिमा ६ जनालाई खाद्यान्न सहयोग गरिएको हो भने ३७ जना विद्यार्थीहरुलाई न्यानो कपडा स्वरुप स्वेटर र मोजा वितरण गरिएको सिविन नेपाल मकवानपुर मनहरीका सामाजिक परिचालक राजेन्द्र कुमार मुक्तानले बताउनुभयो ।
सहयोग वितरण कार्यक्रममा वडा नम्बर ८ का अध्यक्ष नारायण उप्रेती, बिद्यालयका प्रध्यानध्यापक शिव रिमाल र सामाजिक परिचालक राजेन्द्र कुमार मुक्तान को उपस्थितिमा सहयोग बितरण गरिएको हो ।
विभिन्न समस्याका कारण शिक्षाबाट बञ्चित भइ बाल श्रममा जान बाट जोगाउन बालश्रम न्यूनीकरण परियोजना अन्तर्गत वडा कार्यलयको समन्वयमा सहयोग गरिएको हो ।
