Monday, July 15, 2024

युनिभर्सलमा विद्यार्थीलाई टपरी बनाउने तालिम

ताजा / भरखरै प्राप्त

मनहरी– पुष २ गते । मनहरी–७ मा अवस्थित निजि विद्यालय युनिभर्सल लर्निङ एकेडेमीले विद्यालयमा अध्ययनरत छात्राहरुलाई टपरी बनाउने तालिम प्रदान गरेको छ ।

नेपालीहरुको संस्कृति तथा रितिरिवाज लोप हुँदै गइरहेको अवस्थामा एकेडेमीले विद्यालयमा अध्ययनरत कक्षा ७, ८ र ९ का छात्राहरुलाई टपरी बनाउने तालिम दिएको हो ।

शनिबार विदाको समयमा विद्यालयमा अध्यपनरत पुर्व प्राथमिक तहका शिक्षिकाहरु रबिता भण्डारी, रमा अधिकारी, पम्फा पुडासैनी र सरस्वती पौडेलले विद्यार्थीहरुलाई टपरी कसरी बनाइन्छ भन्ने बारे तालिम प्रदान गरेको हो ।

उक्त तालिममा सहभागी भएका विद्यार्थीहरुले आफ्ना गुरुसंगै टपरी बुनेका थिए । तालिममा सहभागी पश्चात यस्ता खाले कृयाकलापले नयाँ काम गर्न हौसला तथा जोश बढेको छात्रा रोबिया राईले बताउनुभयो । “प्रत्येश शनिबार केही न केही नयाँ कार्यक्रममा सहभागी बन्न पाएका छौँ । शनिबार कहिले आउला जस्तो हुन्छ ।” उहाँले भन्नुभयो ।

सैदान्तिक ज्ञानसंगै प्रयोगात्मक ज्ञान र मौलिक परम्परालाई अवलम्बन गर्ने निति अनुरुप उक्त तालिम प्रदान गरिएको उक्त विद्यालयका लेखापाल रेनु पुडासैनीले बताउनुभयो ।

“अहिलेका पिढी आधुनिक युगमा पुगे, प्रविधिको दुनिया छ तर आफ्नो मौलिक परम्परालाई भुल्दै गएको छ ।” सोही कुरालाई मध्यनजर गर्दै मौलिक परम्पराको जगेर्ना स्वरुप सानो प्रयास गरिएको उहाँले
बताउनुभयो ।

युनिभर्सल लर्निङ एकेडेमी हाल कक्षा नर्सरी देखि कक्षा १० सम्म अध्यापन गराउदै आइरहेको छ । विद्यालयमा पढाइसंगै अतिरिक्त क्रियाकलापलाई जोड दिदै आएको छ ।

लोकप्रिय

Related Articles