Thursday, April 18, 2024

मनहरीका १८ जना प्रधानाध्यापकद्वारा राजीनामा

ताजा / भरखरै प्राप्त

मनहरी–असार २९ गते । मनहरी गाउँपालिकाभित्र रहेका १८ वटा प्राथमिक विद्यालयका शिक्षकहरु सामूहिक राजीनामा दिनु भएको छ ।

गाउँपालिकाले बिना कारण प्रधानाध्यापकहरुको सरुवा गर्न खोजेको र मिडियाबाजी गरिएको उहाँहरुले बताउनुभएको छ ।

योग्य, सक्षम र क्षमतावान शिक्षकलाई प्रधानाध्यापक नियुक्त गर्न मार्गप्रशस्त गर्नका लागि राजीनामा दिइएको उहाँहरुको तर्क छ ।

विभिन्न कार्यक्रमहरुमा अध्यक्ष रन्जन कालाखेतीले प्रधानाध्यापकहरुको कारण विद्यालय बिग्रिएको र अब गाउँपालिकाले जसरी भए पनि प्रधानाध्यापक सरुवा गर्ने अभिब्यक्ति दिइरहनु भएको र मनहरीबाट प्रकाशित हुने थाहादर्शन साप्ताहिक पत्रिकामा समेत त्यसबारे समाचार प्रकाशन भएको उल्लेख गर्दै प्रधानाध्यापकहरुले राजीनामा पत्रमा लेख्नु भएको छ–

‘हामी कार्यरत प्रअहरुको कस्तो दोष र कसुरमा दण्डित हुनुपर्ने हो ? सहमति बिपरितको सरुवा सजाय हो भन्ने महसुस गरी यो अन्योलको परिस्थितिले हामी सामुदायक विद्यालयमा कार्यरत प्रधानाध्यापकहरुलाई काम गर्ने मनोबल समेत कमजोर भइरहेको परिस्थिति छ ।’

प्रधानाध्यापकहरुले दिएको सामूहिक राजीनामा साउन १ गतेबाट लागू हुने गरी दिइएको उल्लेख छ ।

तर सामूहिक राजीनामा गाउँपालिका अध्यक्षलाई बुझाउन जाँदा गाउँपालिकाले नलिएको र अपमानपूर्वक फर्काइएको नेपाल शिक्षक महासंघ मनहरीका अध्यक्ष नवराज डोटेलले सार्बजनिक अभिब्यक्ति दिनु भएको छ ।

संघीय शिक्षा ऐन, नियमावली तथा गाउँपालिका शिक्षा ऐन तथा नियमावलीहरुमा समेत प्रधानाध्यापक सरुवा गर्ने कुनै प्रावधान नरहेको बताइएको छ ।

राजीनामा दिने प्रधानाध्यापकहरुको नामावली यस प्रकार छ ।

लोकप्रिय

Related Articles