Wednesday, May 22, 2024

मनहरीका पाँच विद्यालयले कक्षा अपग्रेड मागे

ताजा / भरखरै प्राप्त

मनहरी–फागुन २७ गते । मनहरी गाउँपालिकाका तीनवटा निजीसहित ५ वटा विद्यालयले कक्षा अपग्रेडका निम्ति मनहरी गाउँपालिकामा प्रक्रिया अघि बढाएका छन् ।

गाउँपालिका शिक्षा शाखाले दिएको जानकारी अनुसार मनहरी ६ स्थित रेड एन्जल एकेडेमीले कक्षा ८ को अनुमति माग गरेको छ । त्यसैगरी वडा नं १ स्थित नविन मेमोरियल एकेडेमीले कक्षा ४ र ५ को अनुमति मागरेको छ ।

वडा नं ७ मा रहेको बिलिभर्स इंग्लिस स्कूलले कक्षा ७ को अनुमति माग गरेको शिक्षा शाखा प्रमुख हरिचन्द्र सापकोटाले बताउनुभयो ।

सामुदायिकतर्फ वडा नं ७ को राष्ट्रिय माध्यमिक विद्यालय रमन्टार बिजौनाले कक्षा ९ को लागि अनुमति मागेको छ भने वडा नं १ को बालजीवन ज्योति माध्यमिक विद्यालयले कक्षा १२ को अनुमति माग गरी कागजपत्र पेस गरेको छ ।

माग निवेदनका बारे गाउँ शिक्षा समिति हुँदै कार्यपालिकामा पु¥याएर अनुमति दिनेबारे निर्णय हुने सापकोटाले बताउनुभयो ।

विद्यालयको कक्षा अपग्रेडका लागि सरकारले तोकेको सर्तहरु पूरा भए/नभएको बारे फिल्ड अनुगमन तथा कागजपत्रको अध्ययनपछि मात्रै बैठकहरुमा पेस हुने उहाँले बताउनुभयो ।

कक्षा अपग्रेड गर्न चाहने विद्यालयले हरेक बर्ष पुस मसान्तभित्र निवेदन पेस गर्नुपर्ने प्रावधान रहेको छ ।

लोकप्रिय

Related Articles