मनहरी–असोज ३ गते । संविधना दिवसको अवसरमा मनहरी ७ स्थित युनिभर्सल लर्निङ एकेडेमीले द्वीप प्रज्वलन गरी मनाएको छ ।
८ औँ संविधान दिवसको अवसरमा एकेडेमीका विद्यालय व्यवस्थापन समितिका अध्यक्ष शिव कुमार रिजाल (काशी) को सभाध्यक्षतामा भएको कार्यक्रममा राक्सिराङ गाउँपालिकाका उपाध्यक्ष बनस्तम थिङको प्रमुखको आतिथ्यता रहेको थियो ।
कार्यक्रममा बोल्दै राक्सिराङ गाउँपालिकाका उपाध्यक्ष थिङले संविधान विरोधी तत्वहरु सक्रिय भएको बताउनुभयो । ८ वर्ष अघि नेपालको गणतान्त्रिक संविधान जारी भई कार्यान्वयनमा आएतापनि अहिले संविधान विरोधी गतिविधिरु भइरहेको बताउनुभयो ।
संविधाले दिएको दलित, जनजाती समुदायको अधिकारलाई मन नपराएको भन्दै त्यस्ता खाले गतिविधिहरुलाई निरुत्साहित गर्नुपर्ने बताउनुभयो ।
त्यस्तै नेपाली काङ्ग्रेस मनहरी गाउँ कमिटीका सभापति प्रकाश बर्तौलाले संविधान दिवस मनाउदैँ गर्दा तत्कालिन प्रधानमन्त्री शुशिल कोइराला, संविधान सभा अध्यक्ष सुवासचन्द्र नेम्वाङलाई भुल्न नहुने बताउनुभयो ।
जनताको त्याग र तपस्याको उपलब्धिकोरुपमा गणतान्त्रिक नेपालको संविधान रहेको बताउनुभयो । साथै विद्यार्थीहरुले संविधानको विषयमा जान्न अत्यन्त जरुरी रहेको बताउनुभयो ।
एकेडेमीका अध्यक्ष तथा कार्यक्रमको सभाध्यक्ष रिजालले संविधानको लागि विगतमा आफुले गरेको योगदान स्मरण गर्नुभएको थियो ।
साथै कक्षा १० मा अध्ययनरत विद्यार्थीहरुलाई इङ्गित गर्नुहुँदै रिजालले संविधानको विषयमा सामाजिक विषयमा समेत पठनपाठन हुनेभएकोले विद्यार्थीहरु यस विषयमा जानकार हुनुपर्ने बताउनुभयो ।
कार्यक्रममा नेपाली काङ्ग्रेस मनहरी गाउँ कमिटीका सभापति प्रकाश बर्ताैला, नेकपा माओवादी केन्द्र राक्सिराङ गाउँ कमिटीका अध्यक्ष हस्त बहादुर मुक्तान, नेपाल रेडक्रस सोसाइटि उपशाखा मनहरीका निवर्तमान सभापति नुरोज पौडेल, हरियाली सामुदायिक वन उपभोक्ता समिति राक्सिराङ ३ का अध्यक्ष ज्ञानेन्द्र थोकर, सञ्चारकर्मी, अन्य संघ संस्थाका प्रतिनिधि, विद्यालयका शिक्षक तथा विद्यार्थीहरुको सहभागिता रहेको थियो ।
कार्यक्रम विद्यालयका निमित्त प्रिन्सिपल शुक्र बहादुर प्रजाले सञ्चालन गर्नुभएको थियो ।
