मनहरी–फागुन ८ गते । सोमबार बिहान जंगली हात्तीको आक्रमणबाट एक जना वृद्धा मृत्यु भएको छ ।
मृत्यु हुनेमा मनहरी गाउँपालिका–४ मसिनेकी ६४ वर्षीय राधा अधिकारी रहेकी छन् । सोमबार बिहान करेसाबारीमा काम गर्दै गरेकी अधिकारीलाई हात्तीले आक्रमण गर्दा घाइते भएकी थिइन् ।
घाइते उनको हेटौंडाको चुरेहिल अस्पतालमा उपचारको लगिएको थियो त्यहाँ उपचार हुन नसकेपछि चितवन स्थित चितवन मेडिकल कलेजमा लगिएको थियो ।
चितवन मेडिकल कलेजमा उपचारको लागी लाने क्रममा बाटोमै अधिकारीको मृत्यु भएको ४ नम्बर वडा अध्यक्ष प्रकाश थापाले बताउनुभयो ।
हात्तीको आक्रमणपछि आक्रोशित बनेका स्थानीय बासिन्दाले मनहरी–३ मा रहेको पर्सा राष्ट्रिय निकुञ्जको लामिटार पोष्टमा तोडफोड र आगजनी गरेका छन् ।
