मनहरी–फागुन ५ गते । मनहरी गाउँपालिकाले १ हजार ८ सय ५ परिवारलाई निःशुल्क स्वास्थ्य बीमा गरिदिएको छ ।
गाउँ कार्यपालिकाको २०७९ माघ २६ गते बसेको कार्यपालिका बैठकले हरेक वडाबाट सिफारिस भई पेस भएका परिवारको सूचिलाई अनुमोदन गर्ने निर्णय गरेको हो ।
बैठकले गरिवसँग विशेश्वर स्वास्थ्य बीमा कार्यक्रम अन्तर्गत बिनियोजित रकमबाट प्रतिपरिवार तीन हजार ५ सयका दरले स्वास्थ्य बीमाका लागि प्रिमियम तिरिदिने निर्णय गरेको हो ।
चालू आर्थिक बर्षमा बिपन्न परिवारलाई स्वास्थ्य सेवाको सहज पहुँच पु¥याउनका लागि २ हजार घर परिवार लाभान्वित हुने गरी निः शुल्क स्वास्थ्य बीमा कार्यक्रमको लागि बजेट बिनियोजित भएको थियो ।
बिनियोजित बजेटबाट अझै १९५ परिवारको स्वास्थ्य बीमा गर्न बाँकी रहेको र छनौट प्रक्रिया जारी रहेको मनहरी गाउँपालिका अध्यक्ष रन्जन कालाखेतीले बताउनुभयो ।
‘हामीले चुनावमा ब्यक्त गरेका प्रतिवद्धतालाई गरिव जनतासामु देखिने र भेटिने गरी कार्यान्वयन गरिरहेका छौँ’, अध्यक्ष कालाखेतीले भन्नुभयो–‘शिक्षा र स्वास्थ्य क्षेत्रमा आमूल परिबर्तन ल्याउनका लागि अधिकतम प्रयासहरु भइरहेका छन् ।’
मनहरी गाउँपालिकाले दिएको जानकारी अनुसार वडा नं १ बाट १९९ परिवार, वडा नं २ बाट २३० परिवार, वडा नं ३ बाट २०४ परिवार, वडा नं ४ बाट १२६ परिवार, वडा नं ५ बाट २०९ परिवार, वडा नं ६ बाट २२० परिवार लाई निःशुल्क स्वास्थ्य बीमा गर्ने निर्णय गरिएको छ ।
त्यसैगरी वडा नं ७ बाट २१५ परिवार, वडा नं ८ बाट २०२ परिवार र वडा नं ९ बाट २०० परिवारको स्वास्थ्य बीमा मनहरी गाउँपालिकाले गरिदिने निर्णय भएको छ ।
गरिवसँग विशेश्वर स्वास्थ्य बीमा कार्यक्रम अन्तर्गत बिनियोजित रकमबाट निःशुल्क स्वास्थ्य बीमाबाट लाभ पाउने १०८ परिवारको सूचि यहाँ संलग्न छ ।
कृपया पिडिएफ फाइल क्लिक गर्नुहोस् ।
