Tuesday, May 21, 2024

मनहरी गाउँपालिकाको १२ औँ अधिवेशनबाट ३ वटा ऐन संशोधन

ताजा / भरखरै प्राप्त

मनहरी–पुस २९ गते । मनहरी गाउँपालिकाको १२ औँ अधिवेशन शुक्रबार भएको छ ।

अधिबेशनबाट ३ वटा ऐन संशोधन गरेको छ । गाउँसभाबाट आर्थिक ऐन संशोधन भएको छ । शुक्रबार बिहान साढे ११ बजे सुरु भएको गाउँसभामा आर्थिक ऐन २०७९ संशोधन स्वीकृतिको लागि सभासमक्ष पेश गर्ने कार्यसूची रहेकोमा सभाले पास गरेको छ ।

यस्तै, विनियोजन ऐन, २०७९ संशोधन स्वीकृतिका लागि सभासमक्ष पेश भएको छ । आर्थिक ऐन र विनियोजन ऐन गाउँपालिकाकी उपाध्यक्ष सीता पुलामी मगरले सभामा पेश गर्नुभएको हो ।

त्यसैगरी, सामाजिक विकास समिति संयोजक अनन्त प्रकाश अर्यालले गाउँ शिक्षा ऐन २०७५ को दोस्रो संशोधन स्वीकृतिका लागि सभामा पेश गर्नुभएको हो ।

गाउँपालिका अध्यक्षको तर्फबाट सुशासन तथा संस्थागत विकास समितिका संयोजक ठाकुरराम तितुङले महालेखा परीक्षकको अन्तिम प्रतिवेदन छलफलका लागि सभामा पेश गर्नुभएको थियो ।

यस्तै, लेखा समितिका संयोजक गंगा सुनारले लेखा समितिको अन्तिम प्रतिवेदन पेश गर्नुभएको थियो जुन सभाले पाश समेत गरेको छ ।

अन्तिममा सभामा उठेका विषयहरु र छलफल गर्नुपर्ने विषयहरुमा प्रमुख प्रशासकीय अधिकृत मोहनकुमार श्रेष्ठले सम्बोधन गर्नुभएको थियो ।

लोकप्रिय

Related Articles