मनहरी बचत तथा ऋण सहकारी १५ औँ बर्षमा, ६ करोड पुग्यो कारोबार

मनहरी–भदौ २० गते । मनहरी ७ स्थित मनहरी बचत तथा ऋण सहकारी संस्थाले १५ औँ बार्षिक साधारण सभा गरेको छ ।

मंगलबार आयोजित साधारण सभा अधिकाँश बक्ताहरुले शुभकामना दिँदै संसारभर भइरहेको आर्थिक संकटका बेलामा समेत मनहरी बचत तथा ऋण सहकारी संस्थाले त्यसको प्रभाव नदेखिने गरी व्यवस्थापन गरेकामा प्रशंसा गर्नु भएको छ ।

बढ्दो आर्थिक संकट र सहकारी संस्थाभित्र हुनेगरेका आर्थिक अपचलनका घटनाहरुबाट बचेतर अघि बढ्न बक्ताहरुले सुझाव दिनु भएको छ ।

प्रमुख अतिथि मनहरी गाउँपालिका ७ नं वडाका कार्याबाहक वडाध्यक्ष नवराज सुवेदीले गरिव र बिपन्न समुदायको आर्थिक समृद्धिका लागि सहकारीले गरेको योगदानको प्रशंसा गर्नुभयो ।

कार्यक्रममा जिल्ला बचत तथा ऋण सहकारी संघ मकवानपुरका बीरेन्द्रप्रसाद ढुंगाना, राष्ट्रिय सहकारी बैँकका रामेश्वर अर्याल, साना किसान कृषि सहकारी संस्था लिमिटेड मनहरीकी अध्यक्ष बिमला कार्की, बगलामुखी बचत तथा ऋण सहकारी संस्थाकी व्यवस्थापक कमला मैनाली, रमन्टार डिपाड बचत तथा ऋण सहकारी संस्थाका अध्यक्ष उमेश मुक्तान, मकवानपुर उद्योग बाणिज्य संघ पश्चिम क्षेत्र समितिका सभापति गणेशमान मानन्धर, रेडियो मनहरी एफएमका स्टेशन म्यानेजर शिवकुमार काशी लगायतले शुभकामना ब्यक्त गर्नु भएको थियो ।

कार्यक्रममा अध्यक्ष बिष्णुप्रसाद भट्ट, सचिव बलराम बानियाँ, कोषाध्यक्ष नरहरि सुवेदी, लेखा समिति संयोजक शंकरप्रसाद कालाखेतीसहितले सहकारीको प्रतिवेदन प्रस्तुत गर्नु भएको थियो ।

सहकारीले १५ बर्षको अबधिमा आफ्नो कारोबार ६ करोड पु¥याएको छ ।

शेयरपुँजी ६५ लाख रुपियाँ पु¥याएको छ । आर्थिक मन्दीका कारण ऋण असुलीमा असर परेकाले यस बर्ष ९ लाख रुपियाँ मात्रै सहकारीले नाफा कमाएको जनाइएको छ ।

सहकारी अध्यक्ष बिष्णुप्रसाद भट्टको सभाध्यक्षतामा भएको कार्यक्रममा उपाध्यक्ष हरिशरण अर्यालले स्वागत मन्तब्य राख्नु भएको थियो भने सचिव बलराम बानियाँले कार्यक्रम संचालन गर्नु भएको थियो ।

LEAVE A REPLY

Please enter your comment!
Please enter your name here